Velkommen til Draupnir smykkedesign
Tradisjonelt sylvarbeid er utgangspunktet for Draupnir Smykkedesign. Eg sel, designar, formgjev, reparerar og held kurs i smykkedesign og tradisjonelt sylvarbeid. I tillegg spesialdesignar eg smykke etter kundens ynskje og lagar ulike typar draktsylv i tradisjonelle og nye variantar.
Kunden skal ha moglegheit til å påverke smykka dei kjøper. Dette er tenkt ved at kunden skal kunne koma til meg med sine eigne idéar og ynskjer, slik at dei kan få spesielle ting til seg sjølve eller til andre.
Firmaet starta si verksemd 13.mai 2006. Det blir drive av sylvsmed Kjersti Helgesen Løvold. Draupnir Smykkedesign held til i Jernbanevegen på Fagernes i Valdres.
Eg har utdanninga mi i folkekunst frå Høgskulen i Telemark avd. Rauland, der eg hadde fordjupningsfag i metallarbeid/ sylvarbeid i to år ( 2000-2002). Med bakgrunn i dette har eg drive med sylvarbeid på hobbybasis nokre år, før eg no valde å gjere hobby til yrke.
Det daglege arbeidet vert gjort i verkstaden, som er innebygd i butikklokalet. Dette er gjort for at alle skal ha moglegheit til å sjå meg i arbeid og få ei oppleving i tillegg til dei produkta dei kan kjøpe.
Målet med verksemda er å kunne gje folk smykke som er spesielle og som er handlaga. Det er og mogleg å gå på kurs hjå meg for å lære å lage smykke. Kursverksemda skal gje alle moglegheit til å kunne lære noko nytt, og kanskje til og med få ein ny hobby. Kanskje eit helgekurs kan vere ein idé for bedrifter, foreiningar, vennegjengen, enkeltpersonar og elles alle som ynskjer det. Alle kursdeltakarar har ferdige smykke med seg heim etter fullført kurs.
Bileta viser butikken og verkstaden min i Jernbanevegen på Fagernes.
Opningstidene her er kl. 10.00 -16.30 på kvardagar og kl. 10.00-14.30 på laurdagar. Søndag held vi stengt. Opningstidene kan variere noko i høgtider som til dømes jul og påske.
Vi er og tilgjengelig på telefon både i og utanom opningstid, eller på e-post.
Telefon: 90 69 60 85
E-post: kjersti_l@yahoo.com
